Deilt hefur verið um tjaldbúðir á Austurvelli fyrir framan Alþingishúsið en það er víðar tjaldað á túnum nærri opinberum valdastofnunum. Þessi mynd sýnir tjaldbúðir í garði við helstu stjórnsýslubyggingar Bandaríkjanna í Washington DC.
Þarna eru ekki mótmælendur að vekja á sér athygli líkt og á Austurvelli heldur heimilislaust fólk sem á ekki í nein hús að venda í Washington. Tjöldin hafa verið þarna lengi og fólkið er ekkert að fara því það getur ekkert farið. Það vita yfirvöld og sitja því hjá. Ekki bara þarna heldur víða um Bandaríkin.
