Friðrik Indriðason blaðamaður birti vangaveltur um fyrri forsetatíð Trumps forseta fyrir sjö árum – og þetta hefur elst vel. Sápuóperan heldur áfram og virðist aldrei ætla að hætta frekar en Dallas í sjónvarpinu.
–
Ég held að ég sé búinn að átta mig á Trump forseta Bandaríkjanna. Hann ákvað strax að breyta embættinu í einn humungus raunveruleikaþátt þar sem hann er enn í hlutverkinu „þú ert rekinn“. Og þetta alveg svíngengur. Heimurinn fylgist með hverjum þættinum á fætur öðrum sem yfirstíga allt annað, hvort sem er sápuópera, mafíumyndir eða survivor.
–
Lítum á sviðið eins og það er núna. Persónulegur lögmaður Trumps, Cohen að nafni og oft kallaður consiglore fyrir Donald, er í vandræðum fyrir héraðsdómi í New York. Hann borgaði klámdrottningunni Stormy Daniels buns af money til að halda kjafti um að dóninn er frekar slappur í rúminu. Þetta leiddi til þess að FBI kom með svona no knock heimild inn á alla íverustaði hans í New York og hirti öll gögn. Í ljós kemur að Cohen var bara með tvo aðra kúnna. Einhvern fjármálatopp fyrir Rebúblikanaflokkinn auk stærstu stjörnu Fox sjónvarpsstöðvarinnar. Cohen greiddi Playboy kanínu buns af money til að fara í fóstureyðingu eftir að fjármálatoppurinn barnaði hana. Og nú er önnur Playboy kanína, sem lögsótti Trump í öðru óskyldu máli, búin að fá heimild dómara til að segja sína sögu af ástarsambandinu með honum n.b. meðan hann var harðgiftur.
–
Eins og einn bandarískur blaðamaður orðaði það…“ég er bara feginn að Heff er látinn svo hann þurfi ekki að sjá ævistarf sitt dregið í gegnum svaðið á þennan hátt.“ Til að toppa þetta allt má nefna að Kimba Wood, dómarinn í máli Cohen í New York, vann eitt sinn sem Playboy kanína í London. stay tuned man,,,
–
Það nýjasta er að Trump hefur ákveðið að kalla skúrkinn úr fyrsta þætti aftur inn, svona í ca. miðjan fimmta þátt þar sem við erum núna. Jeps Rudy Guiliani er mættur aftur. Maðurinn sem fær raðfullnægingu ef hann veit af sjónvarpsvél í 5 metra fjarlægð. Hann segist ætla að redda vandamálum Trumps á ca. einni til tveimur vikum.
–
En hvað um það, ég hef nokkuð gaman að þessu.
