Afmæliskveðjur taka á sig ýmsar myndir á Facebook. Hér er afmæliskveðja dagsins sem skákar öðrum út á kant. Signý Scheving Þórarinsdóttir ljósmóðir til Kristínar Eysteinsdóttur fyrrum Borgarleikhússtjóra:
–
Elsku ást lífs míns er fimmtug í dag! Elsku besta Kristín mín, þú þarft að umbera hyper væmni mína í dag, sem ég veit að þú gerir. Ég er svo þakklát fyrir að hafa kynnst þér. Ég get varla lýst með orðum hversu stórkostlega mögnuð þú ert. Þú sýnir mér á hverjum degi hversu mikla ást þú hefur að gefa, með hlýju þinni, tæra hjarta og einlæga brosi. Ég kollféll fyrir þér og ást mín og hjarta vex og stækkar á hverjum degi. Við höfum upplifað mörg ævintýri undanfarið árið, en það sem ég elska mest er hversdagsleikinn með þér. Að vakna við hlið þér á morgnana og drekka morgunkaffið, horfa í fallegu augun þín og kyssa þig.
