“Varúð – jólabók Arnaldar” er yfirskrift ritdóms sem Haukur Magnússon athafnamaður, áður kenndur við Ávaxtabílinn, birtir á samfélagsmiðlum.
“Á eftir um 20 síður af þessari bók og nenni varla að klára hana. Tekin á safninu eins og aðra jólabækur sem ég les. Þetta er orðið svo súrt í seinni tíð að ég veit ekkert af hverju ég held áfram að lesa þessar bækur hans. Höfuðpersónan enn að reyna að finna út hver varð föður hans að bana – þetta er þriðja eða fjórða bókin um það efni og engin nær – kannski kemur það á síðustum 20 síðunum.
Mér fannst Arnaldur prýðilegur lengst af – með Erlend lögreglumann og allt hans lið – og fyrir það varð hann þekktur, virtur og keyptur.
En nú er hann bara keyptur.”
Auglýsing
