“Þessi stelpu-orðræða um dómsmálaráðherra er mjög kunnugleg. Á fyrrum vinnustað var ég reglulega kölluð stelpurófa af eldri samstarfskonu. Ég starfaði þá sem blaðamaður. Hún var vissulega gamli skólinn í gegn en við vorum samstarfsfélagar, jafningjar – ekki barn og fullorðin,” segir Sólborg Guðbrandsdóttir 24 ára tónlistarkona og fyrirlesari sem hefur þrátt fyrir ungan aldur náð eftirtektarverðum árangri í baráttunni gegn kynferðisofbeldiþ
“Í einni ræðukeppninni sem ég keppti í Morfís var ég ítrekað kölluð „ Sólborg sæta” af hinu liðinu. Ég get ekki skilið það öðruvísi en sem tilraun til að draga úr vægi þess sem ég var að segja. Þetta eru vissulega litlir hlutir en þeir skipta miklu máli í stærra samhenginu. Á meðan hjólað er í aldur og útlit kvenna, í stað þess sem þær eru að segja, þá komumst við ekkert lengra.”
