FORMAÐUR SÓKNARNEFNDAR Í FLJÓTSHLÍÐ HIRTIR BISKUP

    Óskrar sóknarnefndarformaður og Agnes biskup.

    Óskari Magnússyni sóknarnefndarformanni í Breiðabólstaðarsókn í Fljótshlíð er nóg boðið þegar Agnes biskup kynnir Jesú til leiks í auglýsingum með bæði brjóst og skegg og segir:

    “Innan þjóðkirkjunnar eru 264 sóknir, stórar og smáar um land allt. Þær eru hryggjarstykkið í kirkjunni, grasrótin þar sem hjartað slær.

    Óskar í kirkjuturninum á Breiðabólstað í Fljótshlíð.

    Gríðarlegt starf er unnið í sjálfboðavinnu í kærleika og væntumþykju til kirkjunnar.

    Höfuðstöðvar kirkjunnar, Biskupsstofa, eru komnar í glerturn við Katrínartún 4 og Biskupsstofa kallar sig K4. Nútímalegt og smart.

    Þar situr nú fólk og fíflast með ásjónu þjóðkirkjunnar og býr til skrípamynd af frelsaranum í einhverjum kynlegheitum.

    Á meðan fækkar í þjóðkirkjunni.

    Hvers eigum við að gjalda? Fótgönguliðarnir í sóknunum? Enginn spyr okkur.

    Er fólkinu í glerhúsinu ekki sjálfrátt? Væri ekki ráð að þau hefðu samband við hjálparsíma Rauða krossins?”

    Auglýsing