SKILNAÐUR SKEKUR SKAFTAHLÍÐ

    Fréttablaðið hefur sjósett nýjan vef, frettabladid.is, til höfuðs visir.is, sem hvarf úr eignasafni Jóns Ásgeirs og Ingibjargar konu hans við sölu á stærsta hluta fjölmiðlaveldins þeirra til Vodafone.

    Nú þarf að aðskilja fjölmiðlana, Fréttablaðið, frettabladid.is og tímaritið Glamour frá Stöð 2, Bylgjunni, visir.is og smærri útvarpsstöðvum því miðlarnir eru enn í sambúð í Skaftahlíð eins og verið hefur lengi.

    Talið er víst að Vodafone flytji allt góssið upp í höfuðstöðvar sínar við Suðurlandsbraut á meðan Jón Ásgeir og Ingibjörg verði að finna sínum miðlum nýjan stað því fasteignafélagið sem á byggingarnir í Skaftahlíð hyggst auglýsa þær til útleigu til annarra í haust.

    Þetta er einn stærsti fjölmiðlaskilnaður Íslandssögunnar og óvíst hvernig endar.

    Auglýsing
    Deila
    Fyrri greinSAGT ER…
    Næsta greinSAGT ER…