LITLA HÚSIÐ VERÐUR ÁFRAM LÍTIÐ

    Litla húsið við Bergstaðastræti 21 verður áfram lítið þar sem skipulagsfulltrúi Reykjavíkur tók neikvætt í hugmyndir um breytingar sem eigandi hússins, Hörður Vignir Arilíusson flugumferðarstjóri, hafði sótt um.
    Kerfisbréfið: Á embættisafgreiðslufundi skipulagsfulltrúa 4. júní 2021 var lagt fram erindi frá afgreiðslufundi byggingarfulltrúa frá 1. júní 2021 þar sem sótt er um leyfi til að endurgera hús og byggja einnar hæðar viðbyggingu með þaksvölum aftan við einbýlishús á lóð nr. 21 við Bergstaðastræti. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 25. júní 2021.  Erindi fylgir umsögn Minjastofnunar Íslands dags. 17. mars 2021. Stækkun: xx ferm., xx rúmm. Eftir stækkun: 183,3 ferm., 546,4 rúmm. Gjald kr. 12.100  Neikvætt, með vísan til umsagnar skipulagsfulltrúa dags. 25. júní 2021.

    Bergstaðastræti 21

    Byggingarár: 1896

    Friðun

    Friðað af mennta- og menningarmálaráðherra 24. nóvember 2011, með vísan til 1. mgr. 4. gr. laga um húsafriðun, nr. 104/2001. Friðun nær til ytra byrðis hússins.

     

    Jóhann T. Eyjólfsson byggði húsið árið 1896 og var húsið virt þann 14. október það ár. Húsið er hlaðið úr grásteini. Inngönguskúr úr bindingi var byggður við austurhlið hússins. Hann var fyrst virtur árið 1930, en leyfi var þó veitt fyrir honum þegar húsið var byggt. Sama ár var einnig virtur geymsluskúr sem var byggður upp við inngönguskúrinn. Í þeirri virðingu var einnig tekið fram að húsið sé múrsléttað með mansardþaki. Árið 1934 var virtur nýr inngönguskúr úr bindingi og sá eldri rifinn. Þá var suðurendi aðalhæðarinnar einnig endurbættur til muna.
    Árið 1897 var byggt útihús á lóðinni sem fylgdi með í virðingum fram til ársins 1919 er það var flutt á sérstakt brunavirðinganúmer. Þetta hús er númer 21b við Bergstaðastræti í dag.

    Auglýsing