Angist greip um sig á Facebook vegna myndbirtingar Kára Stefánssonar og vísu sem hann lét með fylgja. Óttuðust sumir að Kári væri svo gott sem allur:
–
Hér ég andann dáðlaus dreg
dapurt að heyra
illt er að vera aðeins ég
og ekkert meira.
–
Kári skynjaði netóttann og róaði aðdáendur sína:
–
“Það gætir nokkurs misskilnings í viðbrögðum við mynd og vísu sem ég setti inn á síðuna mína áðan. Í fyrsta lagi er ég ekki lasinn heldur einfaldlega frekar óásjálegur og hef ekki fríkkað með aldrinum. Í annan stað lýsir vísan ekki þunglyndi heldur innsæi. Ég sé mig því tilneyddan til þess að leiðrétta þetta með annarri vísu”:
–
Gamall kátur karl ég er
kenni ég engrar fýlu
hvert sem með mig ferðin fer
fagna ég hverri mílu.
–
Auglýsing
