„Þessi PISA umræða er öll á villigötum. Skólarnir eru ekki vandamálið heldur foreldrarnir,“ segir Björn Hróarsson athafnamaður og jarðfræðingur sem veit hvað klukkan slær nú sem fyrr:
„Ég á fjögur börn, þrjú þeirra fædd síðla árs, 18 nóvember, 22 nóvember og 6. desember. Öll fjögur fóru fluglæs í skóla. Það er lítið mál að kenna börnum að lesa. Þekki þetta vel á sjálfum mér, fór ólæs í skóla, kunni ekki á klukku né að reima skóna. Ákvað að verða skárra foreldi en mínir og þurfi svo sem ekki mikið til. Var þokalega heppinn með skóla og kennara í barnaskóla. Var samt svona um það bil tveim árum á eftir jafnöldrum mínum þegar ég mætti í Víghólaskóla í Kópavogi 13 ára. Foreldrar þurfa að taka ábyrgð og hætta að kenna skólakerfinu um.
Eitt af stóru vandamálunum í menntakerfinu er að kennaramenntað fólk skuli vera tekið framyfir fólk með háskólamenntun í faginu.“
