Fjögurra daga Vespuhátíðá Ítalíu lauk í Róm í dag þegar þúsundir, af mörgu þjóðerni, þeystu á vespum í gegnum höfuðborgina í tilefni af 80 ára afmæli þessa vinsæla samgöngutækis.
„Saga vespunnar er tákn fyrir endurreisn Ítalíu eftir síðari heimstyrjöldina,“ sagði Roberto Gualtieri borgarstjóri í Róm í tilefni dagsins.
Vespan kom fyrst á markað 1946, hönnuð af flugvélaframleiðandanum Piaggio. Hún hefur verið í stöðugri framleiðslu í 80 ár og seld til rúmlega hundrað landa – í 20 milljóna eintökum fram til dagsins í dag.
Vespa er ítalska orðið yfir skordýrið sem Íslendingar kalla geitung.
