Soffía Ísabella Bjarnadóttir og Eiður Fannar Gapunay urðu um helgina heimsmeistarar í samkvæmisdönsum í flokki unglinga 16 ára og yngri. Soffía er dóttir stórsöngvarans og gleðigjafans Bjarna Arasonar sem Stuðmenn komu á kortið með söngvarakeppni í Hveragerði á árum áður.
Með sigri sínum bætti parið enn einum titlinum í safnið en þau eru jafnframt Íslands- og bikarmeistarar í standard dönsum, suðuramerískum dönsum og 10 dönsum í flokki Unglinga II.
Fyrr á árinu náðu þau 5. sæti á Norður-Evrópumeistaramótinu í Tallinn í Eistlandi í suðuramerískum dönsum.
Þetta bráðefnilega danspar er einnig í A-landsliði Dansíþróttasambands Íslands.
