Eva sendir póst:
–
Hjörtur J. Guðmundsson alþjóðastjórnmálafræðingur er ókrýndur Íslandsmeistari í skrifum gegn aðild Íslands að ESB.
–
Bara á þessu ári – á fimm mánuðum – hefur hann fengið birtar 40 skoðanagreinar á Vísi þar sem hann varar við ESB og 21 grein í Morgunblaðinu sama efnis. Samtals 61 grein, eða tæplega 3 greinar í viku að meðaltali.
–
Greinar Hjartar J eru vandlega rökstuddar og má vera ljóst að andstaða hans við allt sem snertir ESB er annaðhvort full vinna eða afar tímafrekt hobbí.
–
Hvort sem fólk er meðmælt eða mótfallið aðildarviðræðum við ESB verður ekki frá Hirti tekið að úthald hans í andstöðunni er ekki minna en hjá Bjarti í Sumarhúsum að halda sínu sjálfstæði.
