Þetta er Smjörhúsið sem upphaflega reist að Hafnarstræti 22 í Reykjavík af Bjarna riddara Sivertsen kaupmanni árið 1797. Austari hluti hússins var útibú verslunar hans í Hafnarfirði og vestari hlutinn íbúð verslunarstjórans.
Árið 1909 var Hafnarstræti 22 selt og þá umbreytt í nýtískulegt verslunarhúsnæði undir merkjum danska stórfyrirtækisins Irma. Það nefndist þá strax Smjörhúsið enda smjör, smjörlíki og annað feitmeti meðal þess helsta sem þar var á boðstólum og var heitið málað stórum stöfum á framhliðina. Húsið var rifið 1987 en hefur nú verið endurbyggt í miðbæ Selfoss.
En þarna þarna í Hafnarstræti gekk á ýmsu eins sog Snorri G. Bergsson kann frá að segja:
„Danskur eigandi Smjörhússins lenti í vandræðum því að hann skildi ekki að eftir 1918 giltu aðeins íslensk lög á Íslandi. Því gat hann ekki haft heimili í Köben og greitt þar alla skatta sína, heldur varð hann að greiða löglega skatta af Smjörhúsinu á Íslandi og af tekjum sínum hér. Þetta fór fyrir dómstóla og þar reyndi Einar Arnórsson, fyrrum ráðherra, að útskýra þetta fyrir honum en það gekk erfiðlega. Daninn kvartaði við skattyfirvöld í Danmörku, minnir mig, en ég held að þar hafi tekist að útskýra þetta fyrir honum. Selstöðukaupmenn voru ekki lengur löglegir á Íslandi.“
