Framkvæmdum sem hafa staðið yfir á Hlemmsvæðinu síðustu mánuði er nú lokið í bili. Svæðið hefur fengið nýtt og vinalegt yfirbragð með fjölbreyttum gróðurbeðum, trjám og góðu rými fyrir fólk. Hlemmur er með þessari umbreytingu festur í sessi sem mikilvægur samkomustaður og samgöngumiðstöð.
Efnisvalið á nýjum Hlemmi sýnir tengingu við íslenska náttúru með basalthellum og stóru náttúrugrjóti í beðunum. Gróðurbeðin skapa ekki aðeins skemmtilegra umhverfi heldur stuðla að líffræðilegri fjölbreytni og eru um leið góðar ofanvatnslausnir með náttúrulegum farvegi fyrir regnvatn.
Auglýsing
