FARIÐ SNEMMA AÐ SOFA – ÞAÐ SAKNAR YKKAR ENGINN

    “Hvernær ætlar þetta forsjárhyggju öfga- og hatursfulla vinstra lið að láta almenna borgara i friði?” spyr Guðmundur Franklín Jónsson hótelstjóri á Bornholm í Danmörku, fyrrum verðbréfasali á Wall Street og stofnandi Hægri grænna. Hann er einn af hinum skotglöðu:

    G. Franklín

    “Nú eins og um öll áramót, eins og klukka, byrjar vinstra öfgaliðið í Samfylkingunni, VG og Viðreisn að öskra og æpa með hjálp RÚV á almenna borgara að það sé svo mikil mengun af flugeldum. Og við eigum að hætta að skjóta upp rakettum því mengunin af þeim teppi öndunafæri þeirra og geti jafnvel drepið fólk með undirliggjandi sjúkdóma. Já menn eru gengnir af göflunum og forsjárhyggjan er allsráðandi og alltumlykjandi.

    Þetta hundleiðinlega fólk ætti einfaldlega að loka sig af þessa tvo tíma og fara snemma að sofa, það er enginn sem saknar þeirra. Eins og almenningur veit nema kannski vinstri menn, þá fjármagna hjálparsveitirnar starfsemi sína með flugeldasölu. Og ef ekki kæmi til hennar væru engar hjálparsveitir til að hjálpa þegar illa bjátar á eins og í óveðrinu um daginn. Þetta fólk heldur nefnilega að peningarnir vaxi á trjánum. Nú skulum við Íslendingar launa hjálparsveitunum fyrir frábæra frammistöðu í óveðrinu um daginn og styrkja hjálparveitirnar og kaupa meira af flugeldum en í fyrra um þessi áramót til að skjóta upp.

    Og þið hinir sem alltaf eru með fúlann túlann opinn, hættið að væla og látið venjulegt fólk í friði. Þið verðið að skilja og sýna okkur sem elska að horfa á flugelda, skjóta þeim upp eða njóta þess að vera með börnunum okkar þessa stund, þá kurteisi að stilla ykkur um þessa úrsérgengnu fasísku tilburði, lygi og orðræðu. Þið ættuð fyrst að hugsa um vankanta og villur ykkar sjálfra áður en þið farið að skipta ykkur af öðrum. Ég vorkenni ykkur ekki neitt og í guðs bænum hættiði þessu nöldri. Gleðilegt nýtt ár og takk fyrir þau gömlu.”

    Auglýsing
    Deila
    Fyrri greinSAGT ER…
    Næsta greinSAGT ER…