Skiptar skoðanir eru um gæði klósettpappírsins frá Kirkland sem sló svo rækilega í gegn þegar Costco opnaði í Garðabæ og seldist í bílförmum. Hann kostaði 1.749 kronur fyrir jól en kostar nú 1.999 krónur.
“Þetta er eini pappírinn sem hefur stíflað frárennslið í bústaðnum mínum,” segir Ingjaldur Valdimarsson og greip til sinna ráða:
“Þetta gerðist þrisvar sinnum og ég trúði ekki að þetta væri pappírinn fyrr en ég skipti yfir í annan pappír og síðan hefur þetta ekki gerst.”
Kolbrún Hildur Gunnarsdóttir leggur orð í belg:
“Eitt af barnabörnum mínum sagði að loks væri kominn klósettpappír sem væri ekki svo þunnur að puttinn færi í gegn.”
Vigdís Elísabet Reynisdóttir er ekki jafn hrifin:
“Þessi Kirkland pappír er alveg skelfilegur. Molnar í sundur og festist í borunni á manni. Kaupi hann aldrei aftur.”
