ATVINNUBÓTAVINNA LÖGFRÆÐINGA

    Varist veiruna á gamlárskvöld heitir þessi mynd Steina pípara.

    Steini pípari sendir myndskeyti:

    Eðlileg skoðanaskipti eiga sér stað í þjóðfélaginu um gang mála varðandi varnir við Óværunni. Alltaf eru einstaklingar sem ganga ekki í takt við fjöldann sem hefur oft leitt af sér góða hluti en líka slæma. Án þess að tekin séu dæmi. Þó finnst mér það skjóta skökku við að löglærðir menn hafi áhyggjur af skerðingu einstaklingsfrelsis í heimsfaraldri. Og ganga jafnvel svo langt að leggja til að hver og einn sjái um eigin varnir.

    Steini pípari.

    Ef þessir menn hafa svona mikið áhyggjur af brotum á persónufrelsi þá er hægt að spyrja viðkomandi lögfræðinga hvernig standi á því að þeir hafa ekki komið fram með varnir fyrir húsbyggjendur sem verða að tilgreina nákvæmlega hvernig herbergjaskipan og innviðir íbúðar eigi að vera samkvæmt stimpluðum teikningum yfirvalda. Þeir vita sem er er að þar er ekki um neinn viðskipti að ræða. Húsbyggjandi leggur ekki í yfirvaldið því þá dregst að samþykkja tekningar um að minnsta kosti eitt ár.

    Ég tel það vera töluvert stærra brot á persónufrelsi en það sem þeir eru að hamast í núna til eigin atvinnuábata.

    Auglýsing