AÐSTOÐARKONA KÁRA MEÐ BÓK UM GÖTUSTRÁK

    Þóra Kristín Ásgeirsdóttir, aðstoðarkona Kára Stefánssonar í Íslenskri erfðagreiningu, er að senda frá sér bók, Hasim – götustrákur í Kalkútta og Reykjavík. Bókin verður kynnt í bókakaffi Iðu í Grófinni á föstudaginn klukkan 17:00.

    Um þetta er bókin:

    Sex ára indverskur drengur er settur aleinn upp í lest og endar sólarhring síðar í stórborg þar sem enginn tekur á móti honum og fólk talar framandi tungumál. Næstu árin er hann umkomulaus og einn í heiminum. Sumir eru honum góðir en hann verður líka fyrir ofbeldi og misnotkun.

    Svo er hann sendur yfir hálfan hnöttinn, úr hitanum og mannþrönginni í Kalkútta í snjóinn og fámennið í Þorlákshöfn; úr örbigð í allsnægtir. Allt í einu á hann foreldra og systkini – en enginn skilur hann og hann skilur engan. Og ári síðar er hann aftur einn. Beiskur, sár, ráðvilltur og rótlaus. Rændur tungumáli sínu og menningu. Hann fer til Indlands til að leita að fjölskyldu sinni – og finnur hana en ekki svörin sem hann leitaði að.

    Hasim Ægir Khan á sér ótrulega sögu – sögu af hrakningum, höfnun, baráttuvilja og dug. Hann hefði getað endað á ruslahaugunum að eigin sögn en vann þess í stað að lokum í fjölskyldulottóinu. Stundum fara þó afturgöngurnar í höfðinu á stjá og sárin svíða.

    Auglýsing
    Deila
    Fyrri greinSAGT ER..
    Næsta greinMARADONA (58)