YFIR 1.000 MANNS MYNDU LÁTA LÍFIÐ

    Drápstæki mannsins heitir þessi mynd Steina pípara.

    Steini pípari sendir myndskeyti:

    Ritfrelsið þýðir að menn mega koma með alls kyns þvælu. Þannig ætti ekki að vera bannað að afneita helförinni. Menn ættu að sjá í gegnum slíkt vegna þess að sömu menn og gera það ala á sama hatrinu og leiddi til hennar. Gyðingum var smalað saman alls staðar frá í Evrópu og 5 milljónir þeirra voru drepnir.

    Nú er komnir menn sem tala fyrir ekki ósvipuðum leiðum. Þeir vilja drepa Íslendinga. Þeir nota sömu ruddalegu orðin eins og var gert forðum, uppnefna samviskusama lækna sem leyfa sér að mótmæla þeim. Þeir kalla læknana yfirlætisfulla þó það sem þeir segja sé bæði hlutverk þeirra og styðst við staðreyndir.

    Steini pípari í slætti.

    Ég veit ekki um margar þjóðir sem hafa ekki haft einhverjar takmarkanir til að hefta útbreiðslu Covídsins. Í Bandaríkjunum hafa að minnsta kosti 220 þúsund dáið. Það jafngildir um 220 manns hér. Samt hafa þau haft meiri sóttvarnir en talsmenn helfararinnar nýju vilja viðhafa. Önnur vitleysa sem þessir menn segja er að það væri betra fyrir efnahagslífið ef hér væri allt frjálst. Það ætti að blasa við öllum hversu vitlaust þetta er. Auðvitað myndi enginn ferðast hingað meðan þetta gengi yfir. Yfir 1000 mans myndu láta lífið beint og enn fleiri vegna þess að heilbrigðiskerfið myndi kaffærast.

    Einn aðal talsmaður þessa hóps er þingmaður sem aflaði sér vinsælda sem rökfastur og kurteis lögfræðilegur álitsgjafi áður en hann  varð þingmaður. Ég veit ekki hvers vegna hann hefur umturnast eins og raun ber vitni. Hann gekk í lið með frúnni sem fékk ekki að vera áfram dómsmálaráðherra. Nú eru tveir óeirðaseggir í Sjálfstæðisflokknum á þingi.

    Auglýsing