Miðaldra íslenskir tónlistarmenn fjölmenntu á tónleika Elvis Costello í Hörpu og skemmtu sér misvel:
“Kannski truflar mig líka að mæta með ‘skemmtara’ á svona hljómleika, trommuheila og bassa af einhverri barnagræju. Ég geri mér grein fyrir að ég er gamaldags að þessu leyti og auðvitað má leyfa sér svona á minni stöðum á einföldum hljómleikum… en þegar þú ert að selja miðann á 10-15 þúsund í sal eins og Hörpu þá er þetta ekki boðlegt,” segir Valgarður Guðjónsson söngvari Fræbblana á samfélagsmiðlum.
Grímur Atlason bassaleikari: “Við Gunni vorum á fremsta bekk á efstu svölum. Gunnar tók með kíkir eins og gömlu fólki á efstu svölum sæmir. Grunar að hljómburður hafi nokkuð spillst þarna uppi í rjáfrum. En um aðra miða var ekki að ræða fyrir almúgamenn sem fóru með bankanum sínum í heimsreisu fyrir örfáum vísatímabilum…Ýmislegt þokkalegt inn á milli og í heildina alls ekki tímasóun að mæta í Eldborg. En hefði samt getað verið svo miklu betra.”
Björgvin Halldórsson söngvari: “Nick Lowe fekk ca 45 mínutur í að hita upp fyrir Elvis og ekki brást honum bogalistinn. Algjörlega frábær og hugsanlega hefur fólk viljað fá meira af honum eftir að hlustað var á Costello vin okkar… sem var nokkuð langur í annan endann.”
