ÚR STURLUHÖLL Í BRIMHÖLL

    Guðmundur í Brim og Hjalti Jónsson framkvæmdastjóri Íslensku auglýsingastofunnar.

    Íslenska auglýsingastofan er að flytja úr Sturluhöll sinni á Laufásvegi 49-51 í gömlu höfuðstöðvar útgerðarrisans Brim á Bræðraborgarstíg 16.

    Starfsmenn Íslensku auglýsingastofunnar eru hátt í 60 talsins og munar um minna í friðsælu hverfi þegar slíkur hópur mætir í götuna dag hvern og íbúar uggandi um bílastæði sín.

    Tvær hallir; Bræðraborgarstígur og Laufásvegur.

    Brimhöllin á Bræðraborgarstíg hefur staðið auð um nokkurt skeið eftir að Guðmundur Kristjánsson útgerðarmaður flutti höfuðstöðvar sínar úr húsinu niður á Granda.

    Ekki fékkst uppgefið hvort Íslenska auglýsingastofan kaupir eða leigir Brimhöllina en Hjalti Jónsson framkvæmdastjóri hennar er staddur erlendis og ekki náðist í Guðmund í Brim vegna anna hans í útgerðinni.

    Flutningar eru fyrirhugaðir snemma næsta vor.

    Auglýsing
    Deila
    Fyrri greinCOSMIC LOVE
    Næsta greinSAGT ER…