TÝNDA SYSTIRIN TÝND

    Elín útgefandi leitar að Týndu systurinni.

    Það var með talsverðri eftirvæntingu sem starfsmenn útgáfufélagsins Drápu biðu eftir því að nýja bókin, Týnda systirin, kæmi inn á lager hjá þeim síðastliðinn föstudag.

    “Eftirvæntingin breyttist í tær vonbrigði því brettið sem kom til okkar innihélt ranga bók. Í stað þess að fá nýjustu bók metsöluhöfundarins B.A. Paris var þarna komin stafli af bókum fyrir annan útgefanda hér á landi. Bók sem við hjá Drápu könnuðumst ekkert við,” segir Elín G. Ragnarsdóttir útgefandi hjá Drápu.

    “Hófst þá leit að brettinu með Týndu systirinni. Enn bólar ekkert á sendingunni en góðu fréttirnar eru þær að hún er komin til landsins og er líklega einhvers staðar á höfuðborgarsvæðinu. Týnda systirin er týnd!”

    Auglýsing