STEINI PÍPIR Á ANDRA

    Nægt súrefni og mengunarlaust hálendi - segir Steini pípari um þessa mynd sína.

    Steini pípari sendir myndskeyti:

    Það eru til menn sem græða á því að hræða líftóruna úr fólki. Sumir skrifa draugasögur sem menn leggja svo frá sér og átta sig á því að voru bara skáldskapur. Svo eru aðrir sem nota sömu aðferð við að græða og segjast vera að segja heilagan sannleikann. Þeir vitna í meiri spekinga en þeir eru sjálfir og raka saman peningum.
    Steini og Andri
    Einn af þessum mönnum er fyrrverandi forsetaframbjóðandi í Bandaríkjunum, Al Gore, sem mun vera orðinn margfaldur milljónamæringur á fyrirlestrum um loftslagsvána. Sumir vísindamenn hafa bent á galla í útreikningum en eftirspurnin eftir honum eykst bara.
    Við höfum svona gæja sem vill græða á að hræða líftóruna úr fólki án þess að koma með nokkra lausn en það er Andri Snær rithöfundur. Hann er á ríkisspenanum auk þess að fá pening fyrir skrif sín. Ef hann væri raunverulega að bjarga heiminum, en ekki bara eigin fjárhag, þá myndu peningarnir sem hann græðir á þessu fara í raunverulegar lausnir á vandanum. Í stað þess fljúga þessir gæjar heimshorna á milli með tilheyrandi mengun.
    Auglýsing