SAGT ER…

Hallgrímur Hallgrímsson (1910-1942) var byltingarmaður sem fyrstur Íslendinga tók sér vopn í hönd til að berjast gegn uppgangi fasisma í Evrópu. Það gerðið hann með alþjóðasveitum kommúnista sem studdu spænska lýðveldið í hinu alræmda borgarstríði þar í landi. Frásögn hans er fjörug, spennandi og átakanleg en jafnframt einstök heimild um afdrif hugsjónamanns á einhverjum mestu umbrotatímum í evrópskum stjórnmálum

Í ítarlegum eftirmála er sagt frá ævintýraríku lífshlaupi Hallgríms Hallgrímssonar og veru hans á Spáni. Auk hermennsku stundaði Hallgrímur nám í Moskvu, ritstýrði róttækum tímaritum, var framalega í stéttabaráttunni og bæði stofnandi og frambjóðandi fyrir Kommúnistaflokk Íslands. Hann var jafnframt einn helsti andófsmaður friðsamlegar hersetu Breta hér á landi og síðar dæmdur fyrir landráð og fangelsaður fyrir aðild að hinu svokallaða „Dreifibréfsmáli“, sem sem var tilraun til að hvetja hermenn til stuðnings við verkalýðsbaráttu Íslendinga.

Hér birtist fyrsta endurútgáfa á þessari mikilvægu frásögn Hallgríms sem geymir einlægar lýsingar á þáttöku Íslendings í stríði á erlendri grundu. Það er sönn ánægja að kynna skrif Hallgríms Hallgrímssonar fyrir nýjum lesendum.

FORSALA er hafin á „Undir fána lýðveldisins“.  Það er Una útgáfuhús sem gefur út bókina. Nú er hægt að versla bókina á heimasíðu okkar utgafuhus.is  Verð er 3.500 kr. en ef AFSLÁTTARKÓÐINN „forsala“ er notaður fæst bókin á tilboðsverði: 3.000 kr.

Auglýsing