REYKJAVÍK FOOD FESTIVAL – FJÓRIR MIÐAR 1.500 KRÓNUR

    Matarhátíðin Reykjavík Food Festival, Matarhátíð Reykjavíkur, verður haldin laugardaginn 14. september á Skólavörðustíg frá kl. 14:00-17:00. Hátíðin er haldin í áttunda skiptið og hefur hún nú þróast úr því að einblína á beikon og svínakjöt í hátíð þar sem allir geirar matvælaiðnaðarins eru velkomnir.  Hátíðin er í samstarfi við Reykjavíkurborg og Samtök iðnaðarins. Aðrir samstarfsaðilar eru Brim, Ölgerðin, MS, KS, Ísfugl, Bananar, Kjarnafæði, Norðlenska, Sælkeradreifing og Sölufélag garðyrkjumanna.
    Nú er uppskeran að koma í hús og gestir hátíðarinnar geta notið þess besta og ferskasta sem íslenskur matvælaiðnaður hefur upp á að bjóða. Yfirskrift hátíðarinnar er Úr flóa að fjalli.
    Tólf veitingastaður úr borginni munu raða upp veitingabásum á Skólavörðustíg og bjóða borgarbúum og nærsveitungum upp á kræsingar gegn vægu gjaldi. Fjórir miðar á 1.500 krónur. Þeir veitingastaðir sem verða með veitingabása á hátíðinni eru Kol, Sjávargrillið, Matarkjallarinn, Fjárhúsið, Loki, Salka, Krúa Thaí, Block Burgers, Himalayan Spice, Eldur og Ís auk tveggja veitingabása bandaríska meistarakokksins Doms Iannarelli frá Iowa.
    Lífleg skemmtiatriði í boði og lúðraþytur mun óma um Skólavörðustíginn. Ágóði af miðasölu hátíðarinnar rennur til góðgerðamála. Í ár hljóta barnamenningarmiðlun Nýlistasafnsins og Einhverfusamtökin styrki hátíðarinnar.
    Auglýsing