ÓLAFUR OG GEIRVÖRTURNAR

    Vestmannaeyjar, griðastaður fyrir óhæfa embættismenn heitir þessi mynd Steina pípara. Á innfelldu myndinni er sýslumaðurinn.

    Steini pípari sendir myndskeyti:

    Ólafur Helgi Kjartansson hefur verið embættismaður frá því hann lauk lögfræðiprófi. Nú allt í einu er hann orðinn óhæfur vegna þess að hann leyfði sér að prenta einkaskjöl á prentara embættisins. Til að kóróna glæpinn þá nefndi hann að sögn geirvörtur í póstinum og fyrir einskæra tilviljun komust einhverjar konur í þetta, lásu einkapóst hans og allt varð vitlaust. Það virðist allt vera á öðrum endanum þarna því ásakanir eru ekki aðeins á Ólaf heldur eru að mér skilst ásakanir um einelti hjá millistjórnendum líka. Sá sem las póstinn sem var augljóslega ekki ætlaður henni gæti verið sú sem fór í gagnagrunn lögreglunnar til að afla upplýsinga svona bara fyrir sjálfa sig.

    Steini skoðar myndavélina.

    Dómsmálaráðherra sér að öðru megin í deilumálinu er konur og ekki má nú stugga við þeim sérstaklega ef karlmaður hefur nefnt geirvörtur. Það yrði skýrt sem kynbundin mismunun en það er allt í lagi að reka Ólaf af því hann er ekki af undirokuðu kyni.

    Dómsmálaráðherra fattar ekki að Ólafur getur kært þetta mál til jafnréttisráðs sem kemst jú alltaf að þeirri niðurstöðu að kærandinn hafi rétt fyrir sér.

    Auglýsing