#METOO Í SUNDHÖLLINNI

    Karlaklefarnir í Sundhöll Reykjavíkur voru lokaðir í gær vegna lagfæringa og körlum því vísað í gömlu kvennaklefana í kjallaranum en konur hafa fengið nýja aðstöðu í nýbyggingu við nýju laugina.

    Karlkyns gestir Sudndhallarinnar urðu mjög hissa þegar þeir komu í gömlu kvennaklefana og sáu að skáparanir þar og klefar voru helmingi færri en í karlaklefunum. Svo ekki sé minnst á sturtuaðstöðuna, allt þrengra, klósett fram á gangi og engin spegill eða vaskur til raksturs.

    Þegar konurnar í heita pottinum heyrðu þetta sauð á þeim mörgum og ein hóf að hrópa:

    “Við höfum verið beittar misrétti í 80 ár!”

    Og tók þá önnur við í kór við þrjár aðrar:

    “MeToo! MeToo! MeToo….!” svo undir tók um alla laug og bergmálaði í Austurbæjarskólanum handan götunnar.

    En hvers vegna voru karlaklefarnir lokaðir?

    “Það er verið að setja upp þil við ysta sturtuklefann því frá ákveðnu sjónarhorni við inngang laugarinnar sést inn í gegnum gluggann í sturtuklefann og viðkomandi sem þar er að þvo sér,” sagði baðvörðurinn.

    Auglýsing