LÍFSBJÖRG Í BREIÐHOLTSLAUG

    “Starfsmaðurinn brást hárrétt við og á hrós skilið,” segir dægurlagasöngvarinn André Bachmann um björgunarafrek sem unnið var í Breiðholtslauginni í gær:

    “Þarna fékk sundlaugargestur hjartastopp í lauginni og laugarvörðurinn kastaði sér í fötunum út í, skellti manninum upp á bakkann og hnoðaði þar til sjúkrabíll og sjúkraliðar birtust.”

    Annar sjónarvottur orðar það svo í pósti:

    “Ekki máttu mikla muna að maður drukknaði í Breiðholtslaug á sunnudaginn en snarræði serbnesks sundlaugavarðar bjargaði málunum. Tildrögin voru þau að maðurinn var búinn að vera lengi í  heita  pottinum og fór út í sundlaug og byrjar að synda en talið er að hann hafi fengið sykurfall og byrjað að sökkva. Uppi í turninum var Milos, serbneskur sundlaugarvörður, mjög eftirtaktasamur vörður, og tekur eftir að maðurinn er að sökkva. Hann hleypur þá niður stigann í átt að sundlauginni, stingur sér í sundlaugina á eftir manninum kemur honum að landi  en hann var með fullri meðvitund en náði sér. Miklar öryggiskröfur eru gerðar til starfsfólks sundstaða og á hverju ári er tekið sundpróf og allir sem vinna við sundlaugina verða að gangast undir þetta próf.”

     

    Auglýsing