LEONCIE ER TRUMP ÍSLANDS

    Úr sálfræðideildinni:

    Tónlistarkonan Leoncie og Donald Trump Bandaríkjaforseti eru klárlega andlegir tvíburar. Bæði hafa þau einstakt lag á því að æsa fólk upp á móti sér. En tilgangurinn hjá þeim er ekki að fá fólk upp á móti sér, heldur vekja athygli, vera í umræðunni.

    Svo lengi sem Leoncie hefur átt samastað hér á landi hefur henni tekist aftur og aftur að komast í sviðsljósið með djörfum yfirlýsingum, ásökunum og hreinum og klárum stríðsyfirlýsingum í bak og fyrir. Fyrir vikið þekkja allir Leoncie og allir hafa skoðun á henni.

    Trump hagar sér nákvæmlega eins. Hann skýtur í allar áttir á Twitter og hlífir engum nema nánustu fjölskyldu, líkt og Leoncie. Trump elskar athyglina líkt og Leoncie og sættir sig ekki við annað en eiga forsíður og sjónvarpsfréttir alla sjö daga vikunnar. Fyrir Trump skiptir innihaldið engu máli, bara að láta nógu illa svo hann fái athyglina. Líkt og Leoncie.

    Þeim Leoncie og Trump hefur svo sannarlega tekist ætlunarverk sitt, sem staðfestir bara það sem Trump segir um sjálfan sig, að hann sé þrælgáfaður snillingur. Það sama má segja um Leoncie.

    Auglýsing