ÍSLAND PÍNU PÚTÍNULAND

    Netið logar vegna frétta af launakjörum bankastjóra Landsbankans og von að spurt sé: Hvað hangir á spýtunni? Í hvers umboði eru bankaráðsmenn; hvernig eru þeir valdir og hver velur þá? Sjá hér.

    Við bætist að kjör ráðherra og þingmanna samanborið við laun þeirra  sem eru í lægri lögum vinnumarkaðarins eru svona eins og Ísland sé “pínu Pútínuland” eins og það er orðað.

    Hjörleifi Stefánssyni arkitekt og bróður Kára í Íslenskri Erfðagreiningu er nóg boðið:

    “Forsætisráðherra telur að bankaráðsmenn Landsbankans skorti dómgreind til að gegna hlutverki sínu. Fyrir því eru sterk rök. Bankastjórinn tók auðvitað ekki ákvörðun um að hækka laun sín, en bankastjóri með siðvit hefði ekki látið þetta gerast. Nú hlýtur að vera komið að því að víkja bankaráðinu öllu og bankastjóranum frá.”

    Þórunn Sigurðardóttir fyrrum Hörpustjóri tekur undir:

    “Nú er bara að mæta í afgreiðsluna og taka út aurana sína – ef þeir eru þarna enn.”

    Og Benedikt Sigurðarson fyrrum stjórnarformaður KEA á Akureyri segir:

    “Hér er virkilega þörf á að taka einveldi yfir bankamálum úr höndum fjármálaráðherrans – en það vill til að hann er Engeyingur úr Garðabæ. Bankasýsla ríkisins sem einkastofnun hjá Lalla Blöndal og Bjarna Ben er auðvitað ekki einu sinni djók – heldur spilling alla leið.”

    Júlíus Hafstein fyrrum sendiherra:

    “Sammála. Það er spilling í farveginum.”

    Auglýsing