HINIR ÓDAUÐU Á GRÁA KETTINUM

    Ingunn Snædal og Ásmundur Helgason útgefandi í útgáfuteitinu á Gráa kettinum í gær.

    Drápa forlag hefur gefið út bókina Hin ódauðu, eftir hinn sænska Johan Egerkrans. Útgáfu bókarinnar var fagnað á veitingastaðnum Gráa kettinum í gær hvar vinir og velunnarar Drápu mættu í hálfgerða hrekkjavökuveislu, sem reyndar hæfði tilefninu en Drápa pg Grái kötturinn eru systurfyrirtæki.

    Ingunn Snædal þýddi bókina og í útgáfuteitinu fékk hún afhent Þýðingarverðlaun Drápu 2019 fyrir þýðinguna á Hinum ódauðu. Ingunn er mikilvirkur þýðandi sem hefur vakið athygli fyrir fjölbreyttar þýðingar ólíkra bókmenntagerða undanfarin ár. Ingunn er vel að þessum heiðri komin.

    Gaman saman í útgáfuteitinu.

     Í bókinni sýnir Johan lesendum einstakt yfirlit yfir vampírur
    og afturgöngur frá öllum heimsálfum. Johan skrifar textann og teiknar
    einstakar myndir af hinum ódauðu, þannig að um síður bókarinnar líða
    hinar mestu furðuskepnur sem hafa lifað í munnmælum þjóða um allan heim.
    Þannig fá lesendur að kynnast golem, smámennum, helgleypi og hinu
    furðulega veltihöfði, svo fátt eitt sé talið.

    Mikilvægur kafli í bókinni snýr að vörnum gegn hinum ódauðu en ekki
    síður mikilvægt er að læra að þekkja hin ódauðu frá hinum lifandi.

    Bókin var tilnefnd sem besta bók almenns efnis fyrir ungmenni í Svíþjóð
    2018 og nú fá Íslendingar að kynnast þessari einstaklega fallegu, en
    jafnframt hræðilegu bók Johans Egerkrans.

    Auglýsing