FORMAÐUR VR FÆR SÉR SÓDAVATN

    “Finnst ykkur þetta eðlilegt?” spyr Ragnar Þór Ingólfsson formaður VR sem keypti sér nokkrar flöskur af sódavatni:

    “Ég verslaði kolsýrt vatn með ávaxtabragði á þremur stöðum í dag. N1 Ártúnshöfða, 10-11 Vesturlandsvegi eða Shell bensínstöðinni og Bónus í Árbæ. Ástæðan fyrir því að ég valdi þessa staði eru að þeir eru allir í labbfæri við stærstu gosframleiðendur landsins.

    Í Bónus borgaði ég 95 krónur fyrir 0,5 lítra flösku af Ávaxtatoppi. Í N1 315 krónur og 399 krónur  í 10-11.

    Nú reikna ég með að Bónus sé með einhverja álagningu og allir þessir risar á markaði með bestu mögulegu viðskiptakjör hjá framleiðendum. Finnst ykkur þetta eðlilegt?” spyr hann aftur.

    Auglýsing