ELDRI BORGARAR FLÝJA TIL SPÁNAR

    Sólarfari sendir skeyti:

    „Þetta er bara draumur í dós,“ segir einn af þeim fjölmörgu Íslendingum sem hafa selt eða leigt fasteign sína og lagt leið sína til Spánar til að komast í góða veðrið, hitann og lága vöruverðið.

    „Hérna getur maður leyft sér mun meiri munað heldur en á Íslandi því allt er hér svo ódýrt,  bæði brauð, grænmeti og annar matur svo getur maður líka fengið sér einn og einn öllara á ölkrá og spjallað við fólkið sem maður gat ekki á Íslandi,“ segir einn á sjötugsaldri.

    Að sögn fasteignasala sem selja eignir erlendis er gífurlegur fjöldi fólks sem er að spá og spekúlera og margir sem hafa fest sér hús. Heilu fjölskyldurnar hafa til að mynda fjárfest í húsi og þeir sem eiga eitthvað af aurum hafa verið að festa sér fasteignir ytra enda litlir sem engir vextir á bankabókum á Íslandi.

    Auglýsing
    Deila
    Fyrri greinSAGT ER…
    Næsta grein…GET INTO MY CAR.