Forsíða      Fréttir      Sagt er...     

DON CORLEONE UM TEKJUBLÖÐIN

Í síðustu viku komu tekjublöðin út við mikinn fögnuð forvitinna og ófögnuð ungra sjálfstæðismanna og þeirra sem í blaðinu eru. Telja margir þetta óþarfa hnýsni í heimilisbókhald fólks og að leggja eigi af þann sið að hleypa blaðasnápum í gögnin og að senda út fréttatillkynningar um þá sem græddu mest. Ekki margir vita en Don Michael Corleone, Guðfaðirinn hinn síðari, kom inn á þetta í atriði sem klippt var úr Guðföðurnum II.hluta sem kom út árið 1974. Myndin er nú þegar um 4 tímar og skiljanlegt að klippa hafi þurft út atriði sem þjóna ekki söguþræðinum með beinum hætti.

Atriðið er í veislunni við Tahoe-vatn í byrjun myndarinnar, þar situr Don Corleone inni á skrifstofu og leggur blessun sína yfir hitt og þetta og lætur gera tilboð sem enginn getur hafnað líkt og faðir hans. Francesca, dóttir látins bróður Guðföðursins mætir með kærastann sem biður um blessun um að fá að giftast henni. Don Corleone spyr hvað hann geri og fær það svar að kærastinn sé listmálari. „Og hvernig hyggst þú sjá fjölskyldu þinni farborða með listmálun?,“ spyr Guðfaðirinn, kærastinn verður vandræðalegur og svarar hikandi að hann komi úr ríkri fjölskyldu. Don Corleone sér að hann skammast sín og segir:

„Þú átt ekki að skammast þín fyrir ríkidæmið, það er bara trix hinna ríku til að halda því frá hinum fátæku.“

Svo mörg voru þau orð. Guðfaðirinn blessaði sambandið og leggur til að brúðguminn tilvonandi fái sér gráðu í viðskiptafræði til vonar og vara.

Hér er atriðið:

Fara til baka


SMYGLDRÓNI BROTLENDIR Í FANGELSISGARÐI

Lesa frétt ›



NASISTAGULLIÐ Í LANDHELGINNI

Lesa frétt ›



KÖTTUR NEFNDUR Á HÖFUÐIÐ Á ÞINGMANNI

Lesa frétt ›



DRUSLUGANGAN FYRIR 3 ÁRUM

Lesa frétt ›



HUNDUR BÍTUR BARN Á BRÆÐRABORGARSTÍG

Lesa frétt ›



TÖFF TVÍFARAR

Lesa frétt ›


SAGT ER...

...að Justin Bieber hafi frestað því sem eftir var af risatónleikaferð hans til að stofna eigin sértrúarflokk; eigin kirkju, Bieberkirkjuna. Eftir átján mánaða tónleikaferð sagði hann stopp, gat ekki meira en undir það síðasta var hann með trúarvakningar baksviðs bæði fyrir og eftir tónleika þar sem hann reyndi að kristna samstarfsmenn sína og fjölskyldu - segir The Sun.
Ummæli ›

...að framsóknarkonur í borgarstjórn Reykjavíkur séu ánægðari úti á landi en heima hjá sér. Guðfinna Jóhanna Guðmundsdóttir segir: Mikið rosalega er allt hreint og snyrtilegt á Akureyri."
Ummæli ›

...að besta Happy Hour í höfuðborginni sé á Orange Espresso bar í Ármúla 4 þar sem Tuborg Classic á krana er seldur á 550 krónur frá 16-19 alla daga og hinir sem vilja kaffi og kökur fá sama díl - tveir kaffi og tvær kökur á sama verði og einn kaffi og ein kaka.
Ummæli ›

Meira...

Vinsælast

  1. KAUPFÉLAG SKAGFIRÐINGA GEGN COSTCO: Stofnuð hefur verið síða á Facebook, lík þeirri sem aðdáendur Costco eru með, en sú heitir Keypt í K...
  2. HUNDUR BÍTUR BARN Á BRÆÐRABORGARSTÍG: Hundur beit barn á Bræðraborgarstíg og móðirin er að vonum slegin. Um er að ræða barn Þóru Sigurðard...
  3. KLIKKAÐ Í KEFLAVÍK: Borist hefur myndskeyti: — Flugstöð Leifs heppna eftir miðnætti í gær. Töskusalurinn troðfullur ...
  4. AFMÆLISKVEÐJA FRÁ PABBA: Íþróttafréttaritarinn Edda Sif Pálsdóttir brillerar í fréttaflutningi fyrir Ríkissjónvarpið frá EM k...
  5. ÞINGMAÐUR KEYPTI HJÓL MEÐ YFIRDRÆTTI: Jón Þór Ólafsson þingmaður Pírata keypti sér rafhjól á 140 þúsund krónur og flutti til landsins....

SAGT ER...

...að stórleikarinn Ingvar E. Sigurðsson sé í góðu yfirlæti á frönsku Ríveríunni ásamt eiginkonu sinni og vinafólki.
Ummæli ›

...að Bjarni Benediktsson forsætisráðherra hafi gengið upp að Brúarskörðum á laugardaginn og komið niður í Úthlíð í Biskupstugunum hjá Birni bónda sem bauð honum upp á bjór og svo horfðu þeir á íslenska kvennalandsliðið í sjónvarpinu.
Ummæli ›

...að Ingvar Smári Birgisson sækist eftir að verða formaður Sambands ungra sjálfstæðismanna og hann er alveg eftir uppskriftinni: Ingvar er á 24 ára gamall og uppalinn í Reykjavík. Hann starfar hjá Nordik lögfræðiþjónustu en hann lauk BA gráðu í lögfræði frá Háskóla Íslands árið 2016 og stundar nú meistaranám í lögfræði við sama skóla. Ingvar starfaði áður sem blaðamaður á Morgunblaðinu.
Ummæli ›

...að borist hafi póstur: Mikið af vagnstjórum og starfsmönnum Strætó BS hafa á undanförnu lýst yfir mikilli óánægju með mannauðsstjóra Strætó BS (Sigríður Harðardóttir). Þeim finnst hún hafa  komið illa  fram við starfsmenn og  ekki gæta jafnræðis. Starfsmenn í uppáhaldi fái öðruvísi  afgreiðslu en þeir sem ekki eru í uppáhaldi. Mannauðstjórinn kvað hafa gott samband  við trúnaðarmenn sem  eru ekki eins vinsælir hjá starfsmönnum vegna  leynifunda sem snúast um einstaka starfsmenn. Margir ganga svo langt að vilja að Strætó skipti um mannauðsstjóra.
Ummæli ›

Meira...