BEST AÐ DREKKA Í DAGSBIRTU

    Listaljósmyndarinn og tónlistarmaðurinn Sigtryggur Ari Jóhannsson gefur þingdólgum og Klausturmönnum góð ráð varðandi drykkju og mælir með dagsbirtunni fyrir brjóstbirtuna:

    “Fyrir langt leidda drykkjusjúklinga er hentugast að drekka í dagsbirtu. Þetta vita margir. Þá er hægt að takmarka félagsskapinn og halda sér til hlés frá hinum sem sinna iðju sinni. Svo er hægt að skríða heim og sofna beint eftir sjónvarpsfréttir. Ögn þyrstur en annars hress vaknar svo drykkjusjúklingurinn strax í aftureldingu og getur farið að leggja drög að meiri drykkju.
    Hitt, að drekka langt inn í myrkrið, virðist færa taumleysið í nýjar víddir, auk þess sem mun fleira fólk verður á vegi drykkjusjúklingsins, sumt vopnað upptökutækjum og er jafnvel allsgáð og getur því lagt kalt mat á hegðun hinna.”

    Auglýsing