BERTOLIN OG ÁRMANN SJÓÐHEITIR SAMAN

    Ármann og Bertolin fóru í skemmtiferð til Grindavíkur.

    Ármann Reynisson sendir fréttaskeyti:

    Sunnudaginn 15. desember heldur Yann Bertolin vinjettu-píanótóneika kl. 12:15
    í listhúsinu Hannesarholti, Grundarstíg 10, 101 Reykjavík. Þar verða fluttar
    píanó-perlur, sem heyrast sjaldan á tónleikum, verk eftir tónskáldin; J.S. Bach,
    L.V. Beethoven, F. Chopin, C. Debussy,I. Albeniz, O. Messian og E. Piaf. Einnig
    flytur píanóleikarinn stutt tónverk fyrir 6 hendur eftir hann sjálfan.
    Í upphafi tónleikanna les Ármann Reynisson, vinjettuhöfundur, sögu um það
    hvernig leiðir þeirra félaga lágu óvænt saman í tónlistarhöllinni Philharmonie de
    Paris. Í hléinu les vinjettuhöfundurinn þrjár sögur eftir sjálfan sig sem tengjast
    jólasveinalandinu inn á Tröllaskaga og hvernig allir jólasveinarnir þrettán
    kvænast á einu bretti ,,jólasveinkum‘‘ eftir piparstand í 1000 ár.

    Bertolin æfir sig fyrir tónleikana.

    Franski píanóleikarinn Yann Bertolin er fæddur í París 1982. Hann hefur nám í
    tónlistarskólaskóla sex ára gamall, tekur þátt í hæfileikakeppni og kemst inn í
    CNR d´Aubervilliers – La Courneuve í París. Þar er Yann í píanónámi, árum
    saman, hjá nokkrum tónlistarkennurum m.a. prófessor Hubert Guillard sem er á
    þeim tíma forseti ,,Royaume de la Musique Radio-France tónlistar-
    keppninnar. Píanóleikarinn hlýtur hin virtu verðlaun ,,Chevalier de la Musique‘‘.
    Á námsárum sínum stundar Yann Bertolin nám í tónvísindum við Edgard Quinet
    skólann í París. Þar kynnist píanóleikarinn mörgu hæfileikafólki á því sviði m.a.
    Pierre Boulez. Á þeim tíma tjáir Yann Bertolin sig um tónlist í útvarpsþáttum í
    samstarfi við France Musique. Þá lýkur píanóleikarinn námi í ensku og enskum
    bókmenntum við Sorboneháskólann í París ásamt því að stunda nám í pólsku,
    þýsku, ítölsku, einnig í leikhúsfræðum.

    Píanóleikarinn Yann Bertolin hefur haldið tónleika með fjölbreyttri klassískri
    efnisskrá í hinum ýmsu tónlistarhöllum í Frakklandi, einnig í kirkjum og á
    sjúkahúsum. Ásamt því að vera undirleikari þekktra einsöngvara.

    Sveitasetur Bertolin rétt utan við París. Þar er hægt að panta gistingu, 65 evrur nóttin. Sjá hér.

    Auglýsing