SIRRÝ GEIRS – FEGURÐARDROTTNING FALLIN FRÁ

    Sirrý Geirs, ein þekktasta fegurðardrottning Íslands er látin, 82 ára. Útför hennar hefur farið fram í kyrrþey.

    Sirrý Geirs hleypti nýju blóði í íslenskt þjóðlíf þegar hún fleytti sér úr íslenskri fegurðarsamkeppni alla leið til Hollywood þar sem hún lék í kvikmyndum og heillaði heimsbyggðina hægri vinstri. Um tíma var hún heitbundinn Ólafi Ragnari Grímssyni, síðar forseta Íslands, en það gekk ekki.

    Sigríður Geirsdóttir (Guðrún Sigríður), fædd 1938, var íslensk kvikmyndaleikkona og kennari. Hún var þekkt undir nafninu Sirrý Geirs. Hún sigraði í Fegurðarsamkeppni íslands 1959. Árið 1960 tók hún þátt í fegurðarsamkeppninni Miss International sem þá var haldin í fyrsta skipti og fór fram á Langasandi, Long Beach í Kaliforníu. Hún varð í þriðja sæti og vann titilinn Miss Photogenic.

    Hún hóf kvikmyndaleik og kom fram í nokkrum kvikmyndum og sjónvarpsþáttum vestra undir nafninu Sirry Steffen. Eftir nokkur ár í Hollywood fluttist hún aftur heim til Íslands. Hún lék í kvikmynd Hrafns Gunnlaugssonar, Okkar á milli 1982. Einnig stundaði hún enskukennslu.

    Sirrý í Hollywood.
    Auglýsing
    Deila
    Fyrri greinSAGT ER…
    Næsta greinHAMINGJAN SANNA