SAGT ER…

…að séra Guðmundur Örn Ragnarsson segi Biblíuna boða feðraveldi bókstaflega:

“Guð opinberar sjálfan sig sem karlkyns, ekki kvenkyns.

Guð skipulagði sérstök kynhlutverk fyrir karla og konur þegar Hann skapaði manninn. Fyrst sem karl, síðar bættist við konan.

Eiginmaður og/eða faðir er höfuð heimilis síns, fjölskylduleiðtogi, framfærandi og verndari, (þetta er skylda hans).

Forysta karlmannsins á heimilinu flyst yfir í kirkjuna. Aðeins karlmönnum eru heimilt og skylt að leiða í kirkjunni. Samfélag sem heiðrar Guð mun einnig kjósa karlmenn sem leiðtoga á borgaralegum sviðum. (Sveitarstjórnarkosningarnar framundan).

Konan var sköpuð sem meðhjálp fyrir  eiginmann sinn, til barnsburðar, (heilagt hlutverk), og til að halda heimilinu til haga. Eiginkonan hefur guðdómlega skyldu til að stjórna innan heimilisins.

Skipun Guðs til hjóna (manns og konu), er að vera frjósöm og fjölga. Þetta er í fullu gildi enn í dag.

Kristnir foreldrar skulu veita börnum sínum haldgóða kristna menntun, grundvallaða á Biblíunni, og biblílueg viðhorf til allra hluta í þessum heimi.

Bæði synir og dætur eru undir stjórn föður síns svo lengi sem þau eru undir þaki hans eða á annan hátt á hans framfæri og og undir vernd hans.

Svona hefst Postuleg trúarjátning:

Ég trúi á Guð föður almáttugan, skapara himins og jarðar.

Auglýsing