SAGT ER…

…að nú sé komið að næstu kvöldstund Hannesarholts á Grundarstíg í 101 Reykjavík og að þessu sinni sé gesturinn hin þjóðkunna Bryndís Schram. Við könnumst öll við hana frá ýmsum æviskeiðum: ballerína, fegurðardrottning og leikkona, kennari, sjónvarpsstjarna, tungumálanörd, rithöfundur og þýðandi (og eiginkona umdeilds stjórnmálamanns).

En hver er hún sjálf?

Næstkomandi fimmtudag býður Bryndís gestum til stofu og lítur yfir farinn veg, eins og henni er einni lagið. Bryndís gefur Hannesarholti vinnu sína og býður uppá vínglas í hléi. Almennt verð er kr. 3500 en kr. 3000 fyrir lífeyrisþega og námsmenn. Miðasala fer fram á tix.is.

Opið verður í veitingastofunum á undan, gleðistund (happy hour) frá 17-19 og Pálmar Ólason leikur lifandi tónlist á píanóið fyrir gesti. Borðapantanir fyrir kvöldverð í anda Bryndísar í síma 511-1904 og á hannesarholt@hannesarholt.is.

Auglýsing